“Amrahbank”da “Maliyyə Savadlılığı” layihəsi çərçivəsində növbəti təlim keçirildi.

22-30 avqust 2016-cı il tarixlərində Azərbaycan Respublikasının Mərkəzi Bankı və bir sıra bank-maliyyə qurumları tərəfindən həyata keçirilən “Maliyyə Savadlılığı” layihəsi üzrə təlimlərə başlanıldı. Maliyyə mövzuları üzrə təlimlər Mərkəzi Bankın təcrübə proqramının iştirakçıları üçün nəzərdə tutulmuşdur. Təlimlər ilkin olaraq Mərkəzi Bankın Tədqiqatlar və inkişaf mərkəzində, Əmanətlərin Sığortalanması Fondunda başlamışdır. 24 avqust 2016-cı il tarixində isə iştirakçılar “Amrahbank”ın baş ofisində təlimdə oldular. Təlimdə iştirak edən 30-a qədər iştirakçı bank sahəsi ilə əlaqəli mövzularda biliklərini təkmilləşdirdilər. Amrahbankın peşəkar əməkdaşları tərəfindən Azərbaycanda bank sistemi, “Amrahbank”da korporativ idarəetmənin təşkili, valyuta rejimi, bank xidmətlərinin növləri, plastik kartlardan istifadə qaydaları və digər aktual mövzular üzrə məlumatlar verildi. Tədbir maraqlı müzakirələrlə yadda qaldı, layihə iştirakçılarına təhsil və gələcək karyeralarında uğurların əldə edilməsi ilə bağlı məsləhətlər də verildi. Daha sonra iştirakçılar əyani olaraq “Amrahbank”da müştərilərə göstərilən xidmətlərlə tanış oldular. Sonda iştirakçılar və təlimçilər xatirə şəkilləri çəkdirdilər.

Onu da qeyd edək ki, “Amrahbank” ASC 2014-cü ildən başlayaraq Azərbaycan Respublikasının Mərkəzi Bankının Tədqiqatlar və inkişaf mərkəzi tərəfindən təşkil olunan “Maliyyə Savadlılığı” layihəsi çərçivəsində keçirilən müxtəlif tədbirlərdə aktiv iştirak edir.

Amrahbank rəhbərliyi inanır ki, Mərkəzi Bank tərəfindən maliyyə təhsilinin artırılması üzrə görülən işlər və layihələr gələcəyimiz olan gənclərimizin maliyyə bazarının aktiv iştirakçısına çevirilməsinə və ölkə iqtisadiyyatının daha da güclənməsinə verilən bir töhfədir.

Ümumi məlumat
Təşkilati struktur
   Səhmdarlar
   Müşahidə Şurası
   Audit Komitəsi
   İdarə Heyəti
   Departamentlər
   Komitələr
Tarix
Missiyamız və strateji baxışımız
Korporativ idarəetmə
Maliyyə hesabatları
   Maliyyə hesabatları
   İllik hesabatlar
Filiallar şəbəkəsi
Bankomatlar
Korporativ sosial məsuliyyət
Karyera imkanları
Müxbir hesablar
Kalkulyator
Təklif və şikayətlər
Bank məlumatlarının açıqlanması
AmrahNews
Press relizlər
Axtarış